काठमाडौँ । नेपाल विद्युत् प्राधिकरणले बुधबारबाट औद्योगिक ग्राहकका लागि लोडसेडिङ घोषणा गरेको छ । बिजुली माग पूर्ति गर्नका लागि आन्तरिक उत्पादनले नपुग्ने र भारतबाट समेत बिजुली किन्न नपाएको भन्दै प्राधिकरणले लोडसेडिङ तालिका सार्वजनिक गर्न लागेको हो ।
प्राधिकरणले घरायसी र सामुदायिक ग्राहकका लागि भने लोडसेडिङ नहुने जनाएको छ । प्राधिकरणका अनुसार पिक समय र रातको समयमा कुन उद्योगमा कति बिजुली काटिन्छ भन्ने पूर्व जानकारी दिईने छ । तर दिउसो भने बत्ति नकाटिने प्राधिकरणले जनाएको छ ।
