तनहुँ । नेपाली कांग्रेसका वरिष्ठ नेता रामचन्द्र पौडेलको गृह जिल्ला तनहुँमा ७ जना नेताहरूले स्थानीय तहको निर्वाचनमा टिकट वितरणमा असन्तुष्टि जनाउँदै सामुहिक राजीनामा दिएका छन् । मंगलबार एक पत्रकार सम्मेलन गर्दै उनीहरुले राजीनामा दिएका हुन् ।
राजीनामा दिनेहरूमा तनहुँ कांग्रेस पूर्व जिल्ला सचिव विश्व बास्तोला, कांग्रेस पूर्वा क्षेत्रीय सभापति महेश्वर भट्टराई, पार्टीका विभिन्न समितिमा रहेका चूडामणि दाहाल, दीपेन्द्र पौडेल, दीर्घ थापा, ऋषिराम महत, बाबुराम बगाले रहेका छन् ।
राजीनामा दिएकामध्ये महेश्वर भट्टराईले शुक्लागण्डकीको मेयरमा, दाहालले व्यास १ को वडा अध्यक्षमा, थापाले व्यास २ को वडा अध्यक्षमा, पौडेलले शुक्लागन्डकी नपा—३ को वडा अध्यक्ष र महतले शुक्लागण्डकी नपा—८ को वडा अध्यक्षमा स्वतन्त्र उम्मेदवारी दिइसकेका छन् ।
