काठमाडौं । नेपाल राष्ट्र बैंकका गभर्नर महाप्रसाद अधिकारीले नेपाल सरकारविरुद्ध दायर गर्नुभएको मुद्दाको आज सुनुवाई हुँदैछ । सरकारले गैर कानूनी रुपमा आफूलाई निलम्बन गरेको दाबी गर्दै अधिकारीले दायर गर्नु भएको रिट न्यायाधीशद्वय सपना मल्ल प्रधान र टंकबहादुर मोक्तानको संयुक्त इजलासमा परेको छ ।
आज मुद्दाका दुवै पक्षले अन्तरिम आदेशलाई निरन्तरता दिने वा नदिने भन्नेबारेमा आफ्ना धारणा राख्दै छन् । गत साता न्यायाधीश हरिप्रसाद फुँयालको एकल इजलासको गभर्नर अधिकारीलाई गरेको निलम्बन कार्यान्वयन नगर्न र छानबिन समितिलाई काम नथाल्न आदेश दिएको थियो ।
आज अदालतले अन्तरिम आदेशलाई निरतरता दिए गभर्नर अधिकारीले कामलाई निरन्तरता दिनुहुने छ भने अन्तरिम आदेश खारेज भए उहाँ निलम्बनमा पर्नुहुने छ ।
