काठमाडौं । सभामुख डाेलप्रसाद अर्यालको पारिवारिक कारणले प्रतिनिधि सभाको बैठक एक दिन पछि सरेको छ।
सङ्घीय संसद् सचिवालयले मंगलबार सूचना प्रकाशित गर्दै भदौ ९ गते मंगलबार दिउँसो १ बजेका लागि निर्धारण गरिएको प्रतिनिधि सभाको बैठक निर्धारित समयमा बस्न नसक्ने जनाएको हो।
सभामुख अर्यालको पारिवारिक कारणले बैठक सारिएको सचिवालय स्रोतले जनाएको छ। प्रतिनिधि सभा नियमावली, २०८३ को नियम ६ को उपनियम (३) बमोजिम सभामुखले बैठक भदौ १० गते बुधबार दिउँसो १ बजे बस्ने गरी निर्धारण गर्नुभएको सचिवालयले जनाएको छ।
बैठकको मिति र समय परिवर्तन भएको जानकारी प्रतिनिधि सभाका सम्पूर्ण सदस्यलाई गराउन सचिवालयले सूचना प्रकाशित गरेको हो।
