काठमाडौँ । आन्तरिक राजश्व विभागले नयाँ ‘ट्याक्स पोर्टल’ आज सार्वजनिक गर्ने भएको छ।
विभागका अनुसार नयाँ ट्याक्स पोर्टल आज बिहान ११ बजे विभागको कार्यालय, लाजिम्पाटमा आयोजना हुने कार्यक्रममा सार्वजनिक गरिनेछ। कार्यक्रममा सञ्चारकर्मीहरूलाई उपस्थितिका लागि विभागले निम्तो दिएको छ।
नयाँ पोर्टलमार्फत करसम्बन्धी सेवा तथा प्रक्रियालाई थप सहज र प्रविधिमैत्री बनाउने उद्देश्य रहेको विभागले जनाएको छ।
कार्यक्रममा विभागका अधिकारीहरूले नयाँ ट्याक्स पोर्टलका विशेषता तथा सेवाबारे जानकारी गराउने बताइएको छ।
