बलीउड चलचित्र निर्देशक ए आर मुरुगादॉसको चलचित्र होलीडेमा मूख्य भूमिकामा देखिएकी अभिनेत्री सोनाक्षी सिन्हा एक पटक फेरी उनै निर्देशकको चलचित्र वुमेन सैंट्रिकमा एक्शन लेडिको रुपमा देखिने भएकी छिन् । चलचित्रमा सोनाक्षी एक्शन सीन्स केरलको ट्रेडिशनल मार्शल आर्टमा आधारित हुनेछ ।
चलचित्रको लागि सोनाक्षीले तयारी पनि शुरु गरेकी छिन् । एक महिनाको वर्कशप पछि चलचित्र फ्लोलमा जाने छ । चलचित्र नारीप्रधान हुने निर्देशक मुरुगादासले बताएका छन् । चलचित्रले सबै भारतीय महिलालाई दमदार सन्देश दिने उनको तर्क छ ।
यतिबेला प्रदर्शन भैरहेको सोनाक्षी अभिनित चलचित्र एक्शन ज्याक्शनले दर्शकले त्यति रुचाएको पाइएको छैन । बलीउड चलचित्र समिक्षकहरुले यस बर्षकै सबैभन्दा झुर चलचित्र भनेका छन् भने सोनाक्षीको चलचित्र करियरकै यो सबैधन्दा कमजोर चलचित्रको रुपमा चित्रण गरिएको छ ।
