संयुक्त राष्ट्रसंघको महासभामा भाग लिन न्युयोर्क पुगेका प्रधानमन्त्री ओली उच्चस्तरीय भेटघाटमा व्यस्त छन् ।
प्रधानमन्त्री ओली मंगलबार अमेरिकी राष्ट्रपति डोनाल्ड ट्रम्पले आयोजना गरेको रात्रिभोजमा सहभागी थिए । सो क्रममा उनले ट्रम्पसँग संक्षिप्त कुराकानी पनि गरेको बताइएको छ । आज प्रम ओलीले बिहीबार संयुक्त राष्ट्रसंघको महासभालाई उहाँले सम्बोधन गर्ने कार्यक्रम छ ।
बुधबार प्रधानमन्त्री ओलीले स्वीट्जरल्याण्डका राष्ट्रपति एलेन बेरसेटसँग तथा कोलम्बियाका राष्ट्रपति इभान डुक मार्रकेजसँग र भारतीय विदेशमन्त्री सुष्मा स्वराजसँग पनि सोही अवसरमा भेट गरेका थिए ।
यस्तै, प्रधानमन्त्री ओलीले बेलायतकी प्रधानमन्त्री थेरेसा मेसँग पनि भेटवार्ता गरेका छन् । महासभामा भाग लिन न्युयोर्क पुगेका अन्य विभिन्न देशका प्रतिनिधिसँग पनि प्रधानमन्नी ओलीले भेटवार्ता गरेका छन् ।
एसिया सोसाइटीले बुधबार न्यु योर्कमा आयोजना गरेको ‘शान्ति, प्रजातन्त्र तथा विकास’ विषयक बहसमा पनि प्रधानमन्त्री ओली सहभागी थिए । अस्ट्रेलियाका पूर्व प्रधानमन्त्री केभिन रुडले सञ्चालन गरेको सार्वजनिक व्याख्यान कार्यक्रममा उहाँले सम्बोधन गरेका थिए । महासभामा सम्बोधनपछि प्रधानमन्त्री ओली न्युयोर्कबाट कोस्टारिकाको भ्रमणमा जाने कार्यक्रम छ ।