पशुपतिनाथ क्षेत्रमा केही बर्ष अघि सरकारले सवारी साधन प्रवेशमा रोक लगाउने निर्णय ग¥यो । सरकारको निर्णयलाई त्यतिवेला बृद्ध र अशक्त नागरिकप्रति ‘अनुदार’ बनेको भन्दै टिका टिप्पणी भयो । अहिले उनीहरुको सहजताका लागि भन्दै अन्ततः फेरी निःशुल्क टेम्पो सेवाको आरम्भ गरिएको छ ।
आइतबार पर्यटनमन्त्री रवीन्द्र अधिकारीले औपचारिक शुभारम्भ गरेसँगै दुईवटा सफा टेम्पोले पशुपतिनाथ परिसरमा बृद्धबृद्धा र अशक्तलाई निःशुल्क रुपमा सेवा दिइरहेको छ । ‘यहाँ वातावरणमैत्री सफा टेम्पो सञ्चालनका लागि लक्ष्मी बैंकले आर्थिक सहयोग गरेको छ ।’ पशुपतिनाथ क्षेत्र विकास कोषका एक कर्मचारीले घटना । बिचारसँग भने, ‘सरकारले केही समय अघि यस क्षेत्रमा सवारी साधन प्रवेशमा रोक लगाएपछि वृद्ध तथा अशक्त भक्तजनलाई पशुपति दर्शनका लागि कठिनाई भएको थियो । तर अबदेखि उनिहरुलाई सहज हुने भएको छ ।’
दुई वटामात्र भएपनि विद्युतीय सफा टेम्पो चलाएर कोषले सर्वसाधारणको गुनासो सम्वोधनको प्रयास गरेको हो । टेम्पो सञ्चालनमा आएपछि केही हदसम्म बृद्ध र अशक्तलाई सहजता मिलेको छ । बृद्ध र अशक्तका लागि भन्दै केही बर्ष अघि यहाँ ह्वीलचेयरको व्यवस्था गरिएको थियो ।