काठमाडौँ । सव डिभिजन वन कार्यालय, तारानगर कैलालीका सहायक वन अधिकृत भरत शाह घुस सहित पक्राउ परेका छन् । शाह ३०,००० घुस रकम सहित बुधबार पक्राउ परेका हुन् ।
वन कार्यालयमा अनुसन्धान भइरहेको मुद्दा मिलाई दिन्छु भन्दै घुस रकम माग गरिरहेको भन्ने उजुरीको आधारमा अख्तियार दुरुपयोग अनुसन्धान आयोगको कार्यालय, कञ्चनपुरबाट खटिई गएको टोलीले शाहलाई पक्राउ गरेको हो ।
आयोगका सहायक प्रवक्ता मदन कोइरालाका अनुसार शाहसँगै लेखापढी व्यवसायी पुष्प जोशीपनि पक्राउ परेका छन् ।
दुबै जनालाई नियन्त्रणमा लिई थप अनुसन्धान भइरहेको आयोगले जनाएको छ ।