काठमाडौं । राष्ट्रिय जनस्वास्थ्य प्रयोगशाला टेकुमा कार्यरत ल्याव टेक्निसियन (नायव सुब्बा) सरोज रोका घुससहित पक्राउ परेका छन् ।
अख्तियार दुरुपयोग अनुसन्धान आयोगबाट खटिएको टोलीले रोकालाई २२ हजार घुस बापतको रकम लिइसकेको अवस्थामा नियन्त्रणमा लिइएको अख्तियार प्रवक्ता (सह–सचिव) प्रदिपकुमार कोइरालाले जानकारी दिएका छन् ।
मेडिकल सेन्टर विस्तार गर्ने प्रयोजनका लागी नियमअनुसार गर्नुपर्ने काममा समेत बहाना बनाएर रोकाले सेवा ग्राहीसँग घुस रकम लिएको अख्तियारको प्रारम्भिक अनुसन्धानबाट खुलेको छ ।
घुस लिइसकेको अवस्थामा उनलाई आयोगको टोलीले कार्यालय परिसरबाट नियन्त्रणमा लिएर थप अनुसन्धान गरिरहेको छ ।
