मुम्बइमा मंगलबार बेलुका बलिउडका चर्चित सेलिब्रिटीहरुको उपस्थितीमा भव्य रुपमा ‘जीसीने अवार्ड’ आयोजना भएको छ । अवार्डको मुख्य विधामा गतबर्ष रिलिज भएको चलचित्र ‘पद्यमावत’ले बाजी मारेको छ ।
अवार्डमा उत्कृष्ट निर्देशकको अवार्ड चलचित्र ‘पद्मावत’बाट संजयलीला भन्सालीले जित्दा उत्कृष्ट नायिका पनि सोही चलचित्रबाट दीपिका पादुकोणले जितिन् । उत्कृष्ट नायकको लागि भने चलचित्र ‘सञ्जु’बाट रणवीर कपुर चुनिए ।
त्यस्तै, बलिउड चलचित्रमा लामो समयदेखि योगदान दिएको भन्दै नायिका हेमा मालिनीलाई अवार्ड प्रदान गरिएको थियो भने चलचित्र मार्फत् समाज परिवर्तनमा सहयोग गरेको भन्दै नायिका सोनम कपुरलाई अवार्ड दिइएको थियो ।
त्यस्तै उत्कृष्ट नायक सञ्जुबाट रणवीर कपुर बने, रणवीर सिंह पद्मावतबाट दर्शकको रोजाईबाट उत्कृष्ट नायक बन्न सफल भए ।
उत्कृष्ट सह अभिनेता खिपाव विक्की कौशलले सञ्जुबाट जिते । कट्रिना कैफले जीरोबाट उत्कृष्ट सह अभिनेत्रीको अवार्ड हात पारिन्
कसले कुन विधामा अवार्ड जिते, यहाँ उल्लेख गरिएको छ ।
उत्कृष्ट अभिनय – आयुश्मान खुराना
उत्कृष्ट डेब्यु अभिनेता – इशान खट्टर – धडक
उत्कृष्ट डेब्यु अभिनेत्री – जान्वी कपुर – धडक
उत्कृष्ट खलपात्र – तब्बु – अन्धाधुन
उत्कृष्ट हाँस्यकलाकार – कार्तिक आर्यन – सोनु के टिटु कि स्विटी
उत्कृष्ट गायक – यस्सेर देसाई – नौनो ने बाधी – गोल्ड
उत्कृष्ट गायिका – विभा सरफ र हर्षदीप कैर – दिलबारो – राजी
उत्कृष्ट डेब्यु निर्देशक – अमिर कौशिक – स्त्री
उत्कृष्ट करियोग्राफी – घुमर – पद्मावत
उत्कृष्ट संवाद – पंकज त्रिपाठी – स्त्री
उत्कृष्ट भिएफएक्स – जीरो
