काठमाडौँ । घातक मानिएको कोरोनाको ओमिक्रोन भेरियन्टबाट संक्रमित नेपालमा पनि भेटिएको स्वास्थ्य तथा जनसंख्या मन्त्रालयले बताएको छ ।
त्यसबारे जानकारी दिन मन्त्रालयलले अहिले पत्रकार सम्मेलन गरिरहेको छ ।
मन्त्रालयका अनुसार ६६ वर्षीय विदेशी नागरिक र उनको सम्पर्कमा आएका ७१ वर्षीय व्यक्तिलाई ओमिक्रोन भेरियन्ट देखिएको हो ।
उनीहरू दुवैले कोरोना भाइरसविरुद्धको खोपको पूर्ण मात्रा लगाएको र पीसीआर रिपोर्ट नेगेटिभसहित नेपाल प्रवेश गरेको बताइएको छ ।
यस्तै, मन्त्रालयले उनीहरूसँग सम्पर्कमा आउने सबैको कन्ट्याक्ट ट्रेसिङ गरिएको बताएको छ ।
