काठमाडौं । जापानको टोरिस् हिमा द्वीप क्षेत्रमा मङ्गलबार ६.१ म्याग्नीच्युडको भूकम्प गएको छ ।स्थानीय समयानुसार मङ्गबार अपराह्न १ः४५ मा उक्त भूकम्प गएको थियो ।
मौसम विज्ञान निकायका अनुसार भूकम्पको केन्द्रविन्दु ४ सय ४० किलो मिटर गहिराईमा रहेको छ । यस भूकम्पपछि सुनामीको सूचना जारी गरिएको छैन ।
यस भूकम्पपछि धनजनको क्षतिको कुनै समाचार प्राप्त भएको छैन । जापान भूकम्पबाट बारम्बार प्रभावित हुने मुलुक हो ।
जापानमा सन् २०११ मा आएको ९.० म्याग्निच्युडको भूकम्पपछिको सुनामीमा परी करिब १९ हजारको मृत्यु भएको थियो ।
