काठमाडौं । दक्षिण कोरियाली स्मार्टफोन निर्माता सामसङले आफ्नो नोट फ्ल्यागसिपमा नयाँ मोडल छिटै विश्व बजारमा आउने भएको छ।अगष्ट २३ देखि विश्वबजारमा उपलब्ध हुने नोट टेन सिरिजका मोडल आउने भएका हुन्।
सामसङले नोट टेन र टेन प्लस गरी दुई भेरियन्टका स्मार्टफोन ल्याएको हो।यी फोनका लागि विश्वबजारमा ९९९ अमेरिकी डलरबाट मूल्य शुरु हुने बताइएको छ।
कम्पनीका अनुसार यसको ब्याट्री क्षमता ३५०० एमएएचको छ। नोटटेनमा ६.४ इन्चको डिस्प्ले छ। त्यस्तै २५६ जिबी मोमेरी हुने यसको र्याम भने १० जिबी रहेको छ।
त्यस्तै टेन प्लसमा भने ४३०० एमएएचको ब्याट्री क्षमता भएको यो फोनमा १२ जिबी र्याम छ। ६.८ इन्चको डिस्प्ले छ। यसमा २५६ र ५१२ जिबी स्टोरेज भेरियन्ट रहेको छ।
नोटटेनमा १६ मेगापिक्सेलको अल्ट्रा वाइड सिनका लागि क्यामेरा छ। त्यस्तै वाइड एंगलका लागि १२ र टेलीफोटोका लागि पनि १२ मेगापिक्सेलकै क्यामेरा छ। यी फोनमा अगाडीको क्यामेरा भने १० मेगापिक्सेलको छ।
