बलिउड अभिनेत्री प्रियंका चोपडालाई संयुक्त राष्ट्र संघको शान्ति सद्भावना दूतबाट हटाउन माग गरिएको छ ।
केही दिन अगाडि लस एन्जल्समा आयोजित ब्युटिकोन फेस्टिबलमा पाकिस्तानी महिलाको प्रश्नमाथि दिइएको जवाफलाई लिएर प्रियंकालाई शान्ति सद्भावना दूतबाट हटाउन माग गरिएको हो।
उक्त कार्यक्रममा प्रियंकाले दिएको जवाफ विवादस्पद बन्दै गएपछि पाकिस्नाती मानवअधिकार मन्त्री शिरिन मजारीले प्रियंकालाई सद्भावना दूतबाट हटाउन माग गरेका हुन्।
मजारीले प्रियंकाले युद्धोन्माद फैलाएको आरोप लगाउँदै सामाजिक सञ्जाल ट्वीटरमा लेखेका छन्, ‘युनिसेफले तुरुन्त प्रियंका चोपडालाई राजदूत पदबाट हटाउनुपर्छ। किनभने उनले भारतीय सेना र खराब मोदी सरकारलाई समर्थन गरेकी छन्। उनलाई हटाइएन भने यस्तो नियुक्ति एक तमासा बन्न जान्छ। मर्यादित पदमा कस्ता व्यक्ति नियुक्त गरिएको छ भन्नेबारे युनिसेफले यस कुराको ख्याल गर्नुपर्छ।’
