काठमाडौं । इटालियन सिरी ए फुटबलमा डिफेन्डिङ च्याम्पियन युभेन्टसले ब्रेसियामाथि कठिन जित हात पारेको छ । मंगलबार राति भएको खेलमा युभेन्टसले २–१ गोलको अन्तरले ब्रेसियालाई पराजित गरेको हो ।
युभेन्टसलाई जित दिलाउन मिरलेम पिजानिकले गोल गरे । जोहन चान्सलरले आत्मघाती गोल गरेपछि युभेन्टसले एक गोल भने उपाहार स्वरुप पाएको थियो । यता, ब्रेसियाका लागि भने अल्फ्रेडो डुनारुम्माले गोल गरेका थिए । अल्फ्रेडोले खेलको चौथो मिनेटमा नै गोल गर्दै ब्रेसियाका लागी अग्रता गोल दिलाएका थिए ।
तर खेलको ४० औं मिनेटमा ब्रेसियाका चान्सलरले आफ्नै पोष्टमा आत्मघाती गोल गर्न पुग्दा युभेन्टस १–१ गोलको बराबरीको स्थितिमा आएको थियो ।तर खेलको ६३औं मिनेटमा पिजानिकले गोल गर्दै युभेन्टसको लागी जित सुनिश्चित गरे ।
