काठमाडौं । विद्यालयमा व्यावहारिक शिक्षा अहिलेको आवश्यकता हो । मानिसलाई विकसित, चरित्रवान्, कर्मशील तथा अनुशासित बनाउँदै सार्थक जीवन व्यतीत गर्न सक्षम बनाउने कार्य नै शिक्षा हो। शिक्षा राष्ट्र निर्माणको बलियो आधार हो, जहाँ गुणस्तरीय शिक्षा पर्याप्त हुन्छ त्यहाँ समृद्धिको ढोका खुलेको हुन्छ।
विद्यार्थीलाई किताबी ज्ञान बाहेक व्यावहारिक ज्ञान दिन विद्यालयहरुले विभिन्न प्रकारका अतिरिक्त कार्यक्रम पनि गर्दै आएका छन् ।
यसैक्रममा नजिँकिँदै गएको चाड पर्वका बारेमा जानकारी दिन काठमाडौँको स्वयम्भूमा रहेको द एक्सेल्सियर विद्यालयले विभिन्न कार्यक्रम गरेको छ ।
बिद्यार्थीहरुलाई ब्यबहारीक जानकारी गराउन दशैँमा गरिने सबै क्रियाकलाप समेटी विद्यार्थीहरुलाई नै अभ्यास गराएको हो ।
यसरी अभ्यास गराउँदा विद्यार्थीहरुलाई धर्म संस्कृतिका बारेमा बुझ्न सजिलो भएको विद्यालयले जनाएको छ ।
