काठमाडौं । गायक पवन गिरीको नयाँ गीत ‘मन भारी’ सार्वजनिक भएको छ।
नेपाल आइडल सिजन–२बाट चर्चामा आएका गिरीले आफ्नै शब्द, संगीत र स्वरमा तयार पारेको उक्त गीत सोमबार आफ्नो आधिकारिक युट्युब च्यानलमार्फत सार्वजनिक गरेका हुन्।
प्रेम, भावना र सम्बन्धका विविध आयामलाई समेटिएको ‘मन भारी’ले भावुक प्रेमकथालाई संगीतमार्फत प्रस्तुत गरेको छ। गीतमा संवेदनशील शब्द, मधुर संगीत र भावनात्मक प्रस्तुति समेटिएको छ।
गीतको म्युजिक भिडियोमा कबिता न्यौपाने र सुनिल थापाको अभिनय रहेको छ, जसले गीतको भावलाई जीवन्त बनाएको छ।
भावनात्मक शब्द, सुमधुर संगीत र कलाकारहरूको प्रभावशाली अभिनयका कारण ‘मन भारी’ दर्शक तथा श्रोतामाझ राम्रो प्रतिक्रिया पाउने अपेक्षा गरिएको छ।
