काठमाडौँ । चिया निर्यातमा देखिएको समस्याका कारण बन्द भएका झापा र इलामका चिया उद्योगहरू पुनः सञ्चालनमा आएका छन्। सरकारले उद्योगीहरूको माग सम्बोधन गर्ने प्रतिबद्धता जनाउँदै विशेष कार्यदल गठन गरेपछि उद्योग सञ्चालनको वातावरण बनेको हो।
भारततर्फ चिया निर्यातमा उत्पन्न अवरोधका कारण झापा र इलामका अधिकांश चिया उद्योग असार १ र ४ गतेदेखि बन्द भएका थिए। उद्योग बन्द हुँदा किसान, श्रमिक तथा व्यवसायी प्रभावित बनेका थिए।
यसबीच प्रधानमन्त्री बालेन्द्र शाह (बालेन) को सचिवालयले समस्या समाधानका लागि उच्चस्तरीय कार्यदल गठन गर्ने र निर्यात सहजीकरणका लागि आवश्यक पहल गर्ने आश्वासन दिएको थियो। सरकारी प्रतिबद्धतापछि उद्योगीहरूले आन्दोलनका कार्यक्रम स्थगित गर्दै उद्योग सञ्चालनमा ल्याएका हुन्।
उद्योगीहरूले कार्यदलमार्फत समस्याको दीर्घकालीन समाधान खोजिने विश्वास व्यक्त गरेका छन् भने सरकारले पनि चिया निर्यातमा देखिएका अवरोध हटाउन आवश्यक कूटनीतिक तथा प्रशासनिक पहल अघि बढाउने जनाएको छ।
