काठमाडौं । च्याम्पियन्स लिग फुटबलमा स्पेनिस महारथी क्लब रियल मड्रिडले पहिलो जित आत्मसाथ गरेको छ । मंगलबार राति भएको खेलमा टर्किस क्लब गलातासारेमाथि १–० को जित निकाल्दै रियलले नयाँ सिजन प्रतियोगितामा पहिलो जित दर्ता गर्न सफल भएको हो । टर्किस क्लबसंग पराजित भएको अवस्थामा जिदान बर्खास्तीमा पर्ने केही रिपोर्टहरु सार्वजनीक भएका थिए ।
तर टोनी क्रुसले १८ औ मिनेटमा गोल गर्दै रियल मड्रिडलाई जित दिलाउन सफल रहे । यसै सिजन रियल आएका ईडेन हजार्डको प्रहार क्रसबारमा लागेर फर्किएको थियो । सोही कारणले रियलले अग्रता दोब्बर बनाउने मौका चुकाएका थियो ।
समूह एको खेलमा रियल मड्रिडले तीन खेलबाट ४ अंक जोडेको छ र दोस्रो स्थानमा उक्लिएको छ । पछिल्लो हप्ता नवप्रवेशी क्लब मालोर्कासंग स्पेनिस लिगमा रियल पराजित भएको थियो ।
