युरोपा लिग फुटबलमा म्यानचेस्टर युनाइटेडले साँघुरो जित निकालेको छ । समूह चरण अन्तर्गत बिहिबार राति भएको खेलमा सर्बियन क्लब पार्टिजन बेलग्रेडलाई १–० गोल अन्तरले युनाइटेड हराउन सफल भयो ।
एन्थोनी मार्सियलले बेलग्रेडको मैदानमा युनाइटेडलाई जित दिलाउन निर्णायक गोल गरेका थिए । खेलको ४३ औं मिनेटमा मार्सियलले पेनाल्टीमा गरेको गोल युनाइटेडको जितमा निर्णायक बनेको थियो ।
जितसँगै समूह ‘एल’ मा रहेको युनाइटेडले ३ खेलबाट ७ अंक जोड्न सफल भएको छ । युनाइटेड शीर्ष स्थानमा रहेको छ । पराजित बेलग्रेड ४ अंक जोडेर तेस्रो स्थानमा छ ।
