स्पेनिस ला लिगा फुटबलमा एट्लेटिको मड्रिडले सफलता हात पारेको छ । शनिबार राति भएको खेलमा एथ्लेटिक बिल्बाओलाई २–० ले एट्लेटिकोले हराएको छ । घरेलु मैदानमा भएको खेलमा एट्लेटिकोलाई जित दिलाउन सउल निगुएज र अल्भारो मोरटाले एक एक गोल गरेका थिए ।
खेलको २८ औं मिनेटमा निगुएजले गोल गर्दै एट्लेटिकोलाई सुरुवाती अग्रता दिलाएका थिए ।त्यसपछि मोरटाले खेलको ६४ औं मिनेटमा गोल गर्दै एट्लेटिकोलाई २-० को जित दिलाए ।
जितसँगै एट्लेटिको लिगको दोस्रो स्थानमा उक्लिएको छ । एट्लेटिकोले १० खेलमा १९ अंक जोडेको शीर्ष स्थानको बार्सिलोनासँगको अंक बराबर समेत गरेको छ । बार्सिलोनाले एक खेल कम खेलेको छ ।
