काठमाडौं । एएफसी यू–१९ च्यापिम्पयनसिप छनोट अन्तर्गत आज (शुक्रबार) नेपालले घरेलु टिम इरानको सामना गर्दैछ । छनोट पहिलो खेलमा हार व्यहोरेको नेपालले दोस्रो खेलमा बलियो टिम इरानको सामना गर्न लागेको हो । खेल पीएएस रंगशालामा नेपाली समय अनुसार राति ८ बजे सुरु हुनेछ । पहिलो खेलमा हार व्यहोरेको नेपाल इरानविरुद्ध अंक खोस्ने दाउमा हुनेछ । बलियो टोली इरान भने लगातार दोस्रो जित निकाल्ने योजनामा हुनेछ ।
रेजिन सुब्बाको कप्तानीमा रहेको नेपाल यस अघि युनाईटेड अरब ईमिरेटसँग ४–० गोल अन्तरले पराजित भएको थियो । आफ्नो पहिलो खेलमा इरानले किर्गीस्तानलाई ३–० गोल अन्तरले पराजित गरेको थियो । शुक्रबार नै हुने पहिलो खेलमा युएई र किर्गीस्तान भिड्नेछन् ।
समूह डी मा इरान र युएईको समान ३ अंक रहेको छ । गोल अन्तरका आधारमा युएई पहिलो स्थानमा रहेको हो । यस्तै नेपाल र किर्गीस्तान भने अंक विहीन रहदै तेस्रो र चौथो स्थानमा छन् ।
