काठमाडाैँ । काभ्रेकाे बनेपा नगरपालिका वडा नं. ३ निवासी हिमाल तराई कन्सट्रक्सन प्रा.लि.का प्रोप्राइटर राजमान तामाङविरुद्ध घुस/रिसवत सम्बन्धी मुद्दामा अदालतमा दिएको बकपत्र प्रतिकूल रहेको आरोपमा आरोपपत्र दायर गरिएको छ।
आज विशेष अदालतमा दर्ता भएको मुद्दा नं. ०८१-CR-०११७ मा वादी नेपाल सरकार र प्रतिवादी चन्द्रबहादुर अधिकारीसमेत रहेका घुस/रिसवत सम्बन्धी भ्रष्टाचार मुद्दासँग सम्बन्धित छ।
सोही मुद्दामा सरकारी साक्षीका रूपमा रहेका राजमान तामाङले आयोगको अनुसन्धान अधिकृतसमक्ष दिएको प्रारम्भिक बयानसँग मेल नखाने गरी अदालतमा बकपत्र गरेको भन्ने उजुरी तथा निवेदन प्राप्त भएपछि यस विषयमा अनुसन्धान गरिएको थियो। अनुसन्धानका क्रममा उनका बयान र अदालतमा प्रस्तुत बकपत्रबीच प्रतिकूलता देखिएको आधारमा कानुनी प्रक्रिया अघि बढाइएको बताइएको छ।
अनुसन्धानपछि प्राप्त निष्कर्षका आधारमा सम्बन्धित निकायले आरोपपत्र दायर गरेको हो। यस घटनाले न्यायिक प्रक्रिया र साक्षीको दायित्वसम्बन्धी विषयलाई पुनः चर्चामा ल्याएको छ।
