काठमाडाैँ । राष्ट्रिय स्वतन्त्र पार्टी (रास्वपा) का सभापति रवि लामिछानेसँग सम्बन्धित राहदानी दुरुपयोगको मुद्दामा आज सर्वोच्च अदालतमा सुनुवाइ हुँदैछ।
सर्वोच्च अदालतका न्यायाधीशद्वय कुमार रेग्मी र मेघराज पोखरेलको संयुक्त इजलासमा उक्त मुद्दा पेशीमा परेको हो। यसअघि पटक–पटक हेर्न नभ्याइने सूचीमा परेर स्थगित हुँदै आएको यो मुद्दा आज १२ औं नम्बरमा राखिएको छ।
लामिछानेले नेपाली तथा अमेरिकी दुवै राहदानी प्रयोग गरेको आरोपसम्बन्धी विषयमा युवराज पौडेलले करिब दुई वर्षअघि सर्वोच्च अदालतमा रिट दायर गरेका थिए। रिटमा लामिछानेविरुद्ध राहदानी दुरुपयोगको मुद्दा नचलाउने महान्यायाधिवक्ता कार्यालयको निर्णय कानुनविपरीत रहेको दाबी गरिएको छ।
