काठमाडौं महानगरभित्रका सडकमा अब माग्न नपाइने भएको छ । महानगरले नेपाल प्रहरी, मानव सेवा आश्रमसहितका सरोकारवालाहरूसँग मिलेर महानगरलाई माग्नेमुक्त बनाउने अभियान सञ्चालन गरेको हो ।
शनिबारबाट सुरु भएको अभियानका क्रममा नयाँसडकस्थित संकटा मन्दिर, महांकाल मन्दिर, भद्रकाली मन्दिरलगायतका क्षेत्रमा माग्न बसेकाहरूलाई नबस्न आग्रह गरिएको छ । संकटा मन्दिर व्यवस्थापन समितिका अधिकारीहरूलाई पनि अभियानमा साथ दिन आग्रह गरिएको थियो ।
महानगरको सहरी सुव्यवस्थापन विभागका प्रमुख हरिबहादुर कुँवरले भने, ‘सडकमा बसेकामध्ये वास्तविक बेसहारा, अभिभावकविहीन र सडक आश्रित मानिसको पहिचान गर्ने गरी सातदिने सचेतनामूलक कार्यक्रम चलाएका छौँ ।’