काठमाडौं । विगत वर्षहरूमा झैँ यस वर्ष पनि जागरुक युवा अभियान नेपालले अन्तराष्ट्रिय नेपाली टोपी दिवस मनाएको छ । बुधबार राजधानीको माइतीघरमा राष्ट्रिय गित गाउँदै जम्मा भएका युवायुवतीहरुले राष्ट्रिय पहिचान झल्काउने पोशाक, दौरा सुरुवाल, ढाकाटोपी, कालोटोपी लगाएर टोपी दिवस मनाएका हुन् ।
जागरुक युवा अभियान यसपटकको टोपी दिवस मनाउँदै सरकारको नेपाल भ्रमणवर्ष अभियानलाई पनि साथ दिएको छ । यसैक्रममा कार्यक्रममा आएकी अमेरिकी नागरिक बारबारा नेबरलाई ढाकाटोपी लगाइदिएर संस्थाका संयोजक घनश्याम श्रेष्ठले स्वागत गरेका थिए ।