काठमाडौं । कृषि विकास बैंकको झन्डै पाँच करोड रूपैयाँ लुट्ने गिरोहका एक सदस्य पक्राउ परेका छन्। मोरङ रंगेली नगरपालिका-२ का ४३ वर्षीय दीपक नेपाललाई काठमाडौंबाट पक्राउ गरेको हो।
महानगरीय अपराध महाशाखाका अनुसार उनी शुक्रबार ९ लाख रुपैयाँको चेक साट्न कृषि विकास बैंकको गोल्फुटार शाखामा पैसा झिक्न गएका थिए।
लुटिएको ४ करोड ७६ लाख रूपैयाँमध्ये नेपालको खातामा एक करोड मौज्दात रहेको महाशाखा प्रमुख एसएसपी सहकुल थापा बताए।
आफ्नो खातामा गएको रकम झिक्न नेपालले पटक-पटक प्रयास गरिरहेका थिए। सोही क्रममा गोल्फुटार पुगेको सूचना बैंकबाटै आएपछि प्रहरीले नेपाललाई पक्राउ गरेको हो।
नेपाल सिस्टम ह्याक गर्ने समूहका एजेन्ट रहेको खुलेको छ। यसअघि उनीजस्तै १८ जना एजेन्टहरू पक्राउ परेका थिए।
