धरान। माघः कोशी प्रदेशको पर्यटन, व्यापार तथा सामाजिक–सांस्कृतिक पहिचान प्रवद्र्धन गर्ने उद्देश्यले कोशी एक्सिलेन्स अवार्ड–२०२६ आगामी फागुन ७ गते आयोजना हुने भएको छ ।
कार्यक्रममा कोशी प्रदेशमा जन्मिएर राष्ट्रिय तथा अन्तर्राष्ट्रिय क्षेत्रमा उल्लेखनीय योगदान पु¥याएका व्यक्तित्वलाई सम्मान गरिने आयोजक संस्था नयन मिडिया फाउन्डेसनका अध्यक्ष पवन अधिकारीले जानकारी दिनुभयो ।
अध्यक्ष अधिकारीका अनुसार यस वर्ष अवार्डलाई थप परिष्कृत र प्रभावशाली बनाउन अटोमोबाइल, सङ्गीत र क्यापिटल मार्केट गरी तीन नयाँ विधा थप गरिएको छ । यससँगै कुल १६ विधामा अवार्ड प्रदान गरिनेछ ।
गत वर्ष शिक्षा, स्वास्थ्य, सञ्चार, साहित्य, पर्यटन, कृषि, कर्पोरेट, बैंकिङ, खेलकुद, सामाजिक सेवा, स्टार्टअप, प्रविधि तथा इन्स्योरेन्सलगायत दर्जनभन्दा बढी विधामा अवार्ड प्रदान गरिएको उहाँले बताउनुभयो ।
अवार्डलाई थप विश्वासिलो र राष्ट्रिय स्तरको बनाउने उद्देश्यले उच्चस्तरीय निर्णायक समिति गठन गरिएको अध्यक्ष अधिकारीले जानकारी दिनुभयो ।
अवार्ड कार्यक्रमले प्रदेशको पर्यटन, व्यापार तथा सामाजिक–सांस्कृतिक पहिचान प्रवद्र्धनमा महत्वपूर्ण भूमिका खेल्ने आयोजकको विश्वास छ । अध्यक्ष अधिकारीका अनुसार कार्यक्रमले व्यापारसँगै पर्यटन प्रवद्र्धनमा ठूलो टेवा पु¥याउने लक्ष्य लिएको छ । रासस
