एजेन्सी । फ्रेन्च कप फुटबलको फाइनलमा पेरिस सेन्ट जर्मेन (पीएसजी) प्रवेश गर्न सफल भएको छ । बुधबार राति भएको सेमिफाइनलमा १० खेलाडीमा सिमित लियोनलाई ५–१ गोल अन्तरले पराजित गर्दै पीएसजी फाइनल पुगेको हो । केलियन एमबाप्पेले पीएसजीको जितमा ह्याट्रिक गरेका थिए । यस्तै पाब्लो सराबिया र नेयमारले एक एक गोल गरे ।
लियोनका लागि मार्टिन टेरीएरले एक गोल फर्काएका थिए । फर्नान्डो मार्कलले खेलको ६१ औं मिनेटमा दोहोरो पहेलो कार्डसहित रातो कार्ड पाउँदा घरेलु टोली १० खेलाडीमा सिमित रहन पुगेको थियो ।
लियोनको मैदानमा एक गोलको अग्रता उल्टाएर पीएसजीले फराकिलो जित निकालेको हो ।अब पीएसजीले रेनस र सेन्ट इट्टीनेबीचको विजेतासँग खेल्नेछ ।
