एल क्लासिको जितेर उत्साहित भएको रियल म्याड्रिडले आइतबार स्पेनी ला लिगामा आश्चर्यजनक हार बेहोरेको छ । रियल घर बाहिर रियल बेटिसको हातबाट २–१ ले पराजित रह्यो ।यो हारपछि रियलले लिग तालिकाको शीर्ष स्थान बार्सिलोनालाई नै सुम्पेको छ। बेटिसले सिड्नेइको गोलले अग्रता लिएयता करिम बेन्जमाले बराबरी गोल फर्काए।
क्रिस्टिलियन टेलोले ८२ औं मिनेटमा निर्णायक गोल गरे। यो खेलपछि बार्सिलोना ५८ अंकमा पहिलो स्थानमा रह्यो भने रियल दुई अंकको दूरीमा दोस्रो स्थानमा कायम रह्यो।
बेटिस भने ३३ अंकमा १२ औं स्थानमा छ। रियल आफूले खेलेका पछिल्ला चार मध्ये तीन खेलमा पराजित रहेको छ।
