काठमाडौं । नेकपा एमालेबाट विभाजन भएर चार वर्षअघि गठन भएको नेकपा एकीकृत समाजवादी तीन टुक्रा भएको छ ।
अध्यक्ष माधवकुमार नेपालले पार्टीलाई नेकपा माओवादी केन्द्रमा एकीकृत गराएपछि विद्रोह गरेका रामकुमारी झाँक्री, किसान श्रेष्ठलगायतका नेताहरु एमालेकै फर्कने भएका छन् । उनीहरु आजै एमालेमा फर्कने घोषणा गर्दै छन् ।
एमालेमा फर्कनेहरुमा झाँक्री र किसानसहित अम्बरबहादुर थापा, गम्भीरलाल श्रेष्ठ, पीताम्बर तिम्सिना, अर्जुन राईलगायत छन् ।
नेताहरु एमालेमा फर्किएको घोषणा आज पत्रकार सम्मेलन गरेर गर्ने तयारी छ ।
झाँक्रीले पनि कम्युनिस्ट आन्दोलनलाई एकताबद्ध गर्दै राष्ट्रियता, प्रजातन्त्र, सामाजिक न्याय, विकास र समृद्धिको दिशामा अघि बढ्न, सैद्धान्तिक र वैचारिक दृष्टिकोण मिल्ने राजनीतिक शक्तिहरू एक ठाउँमा आउन आवश्यक छ भन्ने कुरा बोध भएको बताएकी छन् ।
यता माओवादी र नेकपा एसबीच एकीकरणको घोषणा भएलगत्तैदेखि असन्तुष्ट झलनाथ खनाल, घनश्याम भुसाललगायतका नेताहरु भने पार्टी पुनर्गठन गर्ने कि एमालेमै मिसिने भन्नेमा अन्योलमा छन् ।
