काठमाडौँ । कलंकीमा नेपालकै पहिलोपटक सुविधासम्पन्न प्रतिक्षालय सञ्चालनमा आएको छ । देशको जुनसुकै ठाउँका लागि पनि टिकट काट्न सकिने अनलाइन प्लेटफर्म बससेवा डटकमले यात्रुहरुका लागि सुविधासम्पन्न प्रतिक्षालय सञ्चालनमा ल्याएसँग यात्रुहरुलाई गाडी कुरेर बाटोमा बस्नुपर्ने बाध्यता कम भएको छ । प्रतिक्षालयमा ७० देखि १ सय जनासम्म यात्रुहरु विश्राम गर्न कुर्सीहरु राखिएको छ ।
यात्रुहरुका लागि फ्री वाइफाईको व्यवस्था गरिएको छ भने चिसो, तातोपानीको समेत व्यवस्था गरिएको छ । बस सेवा डटकमका बिजनेस हेड डेनिसजंग थापाले बसको टिकट काट्ने यात्रुलाई फोकस गरेर नेपालमै पहिलो पल्ट सुविधा सम्पन्न यात्रु प्रतिक्षालय खोलिएको बताउनु भयो । उहाँकाअनुसार बस सेवा डटकमले सोही प्रतिक्षालयबाट पनि अनलाइन टिकटको व्यवस्था गरेर यात्रुहरुलाई गन्तव्यसम्म पु¥याउने व्यवस्था गरेको छ ।
बिजनेस हेड डेनिसजंग थापाले भन्नुभयो–‘बसको टिकट काटेर यात्रु प्रतिक्षालयमा मज्जाले यात्रु प्रतिक्षालयमा बस्न सकिन्छ । बाइफाइ, चिया, तोतो चिसो पानीको व्यवस्था पनि गरेका छौं । बसपार्कदेखि कलंकीसम्म गाडी नआउञ्जेल मज्जाले यहाँ बस्न पाइन्छ । यहाँ ७० देखि १०० जना यात्रु प्रतिक्षालयमा बस्न सक्नुहुन्छ । बेलुका र बिहानमा यात्रुहरुको चाप प्रतिक्षालयमा हुने गरेको छ ।’
उहाँकाअनुसार आगामी दिनमा कलंकीमा मात्रै नभएर देशका विभिन्न बसपार्क नजिक यस्ता खाले प्रतिक्षालय बनाउने योजना बस सेवाको रहेको छ । यात्रुहरुलाई बस चढ्ने र झर्ने बेला धेरै नै दुःख देखेर आफूहरुले कलंकीसहित अन्य ठाउँमा समेत सुविधासम्पन्न प्रतिक्षालय खोल्न प्ररित गरेको थापाले बताउनु भयो । कलंकीको प्रतिक्षालयमा एसीको समेत व्यवस्था गरिएको उहाँको भनाइ छ । प्रतिक्षालयमा ४÷५ जना कर्मचारीहरु समेत छन् । उनीहरुले यात्रुको समानको समेत सुरक्षा गर्ने गरेका छन् ।’
कलंकीको सुविधासम्पन्न प्रतिक्षालयमा बसको यात्रु बालकृष्ण पाण्डेले यात्रु प्रतिक्षालयले धेरै सहज बनाएको बताउनु भयो । उहाँकाअनुसार पहिला काठमाडौं आउँदा कलंकीमा धेरै दुःख पाइने समस्या रहेकोमा अहिले अञ्जानको ठाउँमा आउदा पनि यात्रु प्रतिक्षालयकै कारण केही सहज महसुश हुने बताउनु हुन्छ ।
यात्रु पाण्डेले भन्नुभयो–‘बससेवाले सञ्चालन गरेको यात्रु प्रतिक्षालय एकदमै राम्रो लाग्यो । मैले कपिलवस्तुबाट टिकट काटेर आउदाँ पनि बससेवा अनलाइनबाटै काटेको थिए, काठमाडौंमा झर्दा पनि यसैको प्रतिक्षालयमा बस्न पाए । पहिले कलंकीमा झर्दा बाटोमा उभिनुपर्ने समस्या थियो । प्रतिक्षालय बनेपछि यहाँ बस्न पाइयो । धेरै आनन्द आयो । धेरै खुशी समेत लाग्यो ।’
बस सेवा डटकमकाअनुसार दैनिक सयौँले यो प्लेटफर्ममार्फत टिकट काटेर यात्रा गरिरहेका छन् । जसकारण यात्रु ठगिने समस्या हटेको छ भने लामो लाइनमा बस्नुपर्ने झन्झट पनिको कमी भएको छ ।
