काठमाडौं। नेपालमा थप ४७ जनामा कोरोना संक्रमण पुष्टि भएको छ । सोमवार बाँकेको नरैनापुर क्षेत्रमा थप ४७ जनामा कोरोना संक्रमण देखिएको हो ।
भेरी अञ्चल अस्पतालमा नरैनापुर क्षेत्रका २७३ को स्वाब संकलन गरिका मध्ये १९२ को परिक्षण गर्दा ४६ पुरुष र एक महिलामा कोरोना संक्रमण भेटिएको अस्पताल स्रोतले जनाएको छ। बाँकी ८१ जनाको स्वाब परिक्षण हुनेक्रममा रहेको अस्पताल स्रोतले जनाएको छ।
नरैनापुरमा एक व्यक्तिको निधनसँगै कोरोना संक्रमितहरुको संख्या बढ्दै जाँदा उक्त क्षेत्रलाई हटस्पट घोषित गरि थप सतर्कता अपनाउन स्थानियहरुले माग गर्न थालेका छन्। सो क्षेत्रमा प्रसासन र सुरक्षा निकायले उच्च सतर्कता अपनाइ नेपाल प्रहरी र सशस्त्र प्रहरी सो क्षेत्रमा व्यापक मात्रामा परिचालन गरिएको छ।
नरैनापुर क्षेत्रलाई चारैतिरबाट आवतजावत बन्द गरी संक्रमण न्यूनीकरणका लागि उच्च सुरक्षा सतर्कता अपनाइएको प्रहरीले बताएको छ ।
