काठमाडौँ । गृहमन्त्री रमेश लेखकले खानेपानी र सिंचाईको समस्या भएको स्थानहरुको पहिचान गर्न प्रमुख जिल्ला अधिकारीहरुलाई निर्देशन दिनुभएको छ ।
शनिवार सिंहदरबारमा राष्ट्रिय विपद् जोखिम न्युनिकरण तथा व्यवस्थापन प्राधिकरणको समन्वयात्मक बैठकलाई सम्बोधन गर्दै उहाँले यस्तो निर्देशन दिनुभएको हो । तराईका विभिन्न जिल्लाहरुमा खानेपानी र सिंचाईको समस्या विकराल बनिरहेको छ । यसै सम्बन्धमा गृहमन्त्री लेखकले तराईका जिल्लाका प्रमुख जिल्ला अधिकारी र स्थानीय प्रतिनिधिहरुसँग छलफल गर्नुभएको हो ।
छलफलपछि उहाँले खानेपानी र सिंचाईको समस्या भएको स्थानहरुको पहिचान गर्न र पहिचान भइसकेका स्थानहरु सरकारलाई उपलब्ध गराउन निर्देशन दिनुभयो । उक्त स्थानहरुको पहिचान गरी वैकल्पिक श्रोत र वैकल्पिक श्रोतहरुको पहिचान, वैज्ञानिक वितरणको व्यवस्था मिलाउन पनि निर्देशन दिनुभयो । कुनकुन ठाउँमा डिप बोरिङ गर्ने भन्ने स्थानहरु पनि पहिचान गर्न र आवश्यकतालाई प्राथमिकीकरण गरी छिटो प्रक्रियाबाट डिप बोरिङ ट्युबेल जडान गर्नेकुरामा ध्यान दिन निर्देशन दिनुभयो ।
गृहमन्त्री लेखकले भन्नुभयो, ‘पहिलो कुरा खानेपानी र सिंचाईको समस्या भएको स्थानहरुको पहिचान गर्नुप¥यो । कतिपयको तपाईंहरुले पहिचान गरिसक्नुभएको छ होला । चापाकलहरु सुकेको, बोरिङहरु सुकेको, ट्युबेलहरु सुकेको कुरा, ड्युब ट्युबेलहरु सुकेको कुरा पनि आइसकेको छ । नदीहरु सुकेको कुरा पनि राख्नुभएको छ । खानेपानी र सिंचाईको समस्या भएको ठाउँको पहिचान गर्नुप¥यो ।
अहिलेसम्म जति पहिचान भएका छन्, थपलाई पनि पहिचान गरेर राख्नुपर्छ । वैकल्पिक श्रोत र वैकल्पिक श्रोतहरुको पहिचान, वैज्ञानिक वितरणको व्यवस्था मिलाउनुपर्छ । प्रमुख जिल्ला अधिकारीहरुले यसको व्यवस्था मिलाउनु होला । हिजो मात्रै सम्माननीय प्रधानमन्त्रीज्युले बोरिङ गर्ने भनेर घोषणा गर्नुभएको छ । कुनकुन ठाउँमा गर्ने त्यो ठाउँको पहिचान गर्नुपर्छ । आवश्यकतालाई प्राथमिकीकरण गर्नुपर्छ । छिटो प्रक्रियाबाट डिप बोरिङ ट्युबेल जडान गर्नेकुरामा ध्यान दिनुहोला ।’
गृहमन्त्री लेखकले प्रधानमन्त्री केपी शर्मा ओलीले शुक्रवार महोत्तरीको एक कार्यक्रममा ५ सय वटा डिप बोरिङ गरेर मधेस प्रदेशमा पानीको समस्या तत्कालका लागि समाधान गर्ने घोषणा गर्नुभएको थियो ।
