काठमाडौँ । राष्ट्रिय प्रजातन्त्र पार्टी (राप्रपा)को केन्द्रीय अनुशासन समितिको रिक्त सदस्यमा दिनेश श्रेष्ठ मनोनीत भएका छन् ।
कार्यसम्पादन समिति सदस्य समेत रहेका भक्तपुरका श्रेष्ठलाई अध्यक्ष राजेन्द्र लिङ्देनले पार्टीको विधान बमोजिम केन्द्रीय अनुशासन समितिको रिक्त सदस्यमा मनोनयन गरेको प्रवक्ता मोहन कुमार श्रेष्ठले जानकारी दिए ।
अनुशासन समिति ५ सदस्यीय रहेको छ । समितिको रिक्त अध्यक्ष पदमा समितिकै वरिष्ठ सदस्य पार्टीकी वरिष्ठ उपाध्यक्ष रोशन कार्कीको मनोनयन केही दिनअघि भएको थियो ।
