काठमाडौँ । पूर्वराष्ट्रपति विद्यादेवी भण्डारी र नेपाली कांग्रेसका नेता डा.शेखर कोइरालाबिच भेटघाट भएको छ ।
शुक्रबार बिहान पूर्व राष्ट्रपति भण्डारीको निवासमा भेट भएको डा.कोइरालाका स्वकीय सचिव दिनेशचन्द्र थपलियाले जानकारी दिए ।
करिब एक घण्टा भएको भेटमा समसामयिक राजनीतिका विषयमा कुराकानी भएको उनले बताए । सो क्रममा डा.कोइरालाले आफूले भ्रष्टाचारको विरुद्ध सुशासनको पक्षमा आवाज उठाउँदै आएको बताउदै त्यसमा साथ दिन पूर्वराष्ट्रपति भण्डारीलाई आग्रह गरेका थिए ।
पूर्वराष्ट्रपति भण्डारीले पनि सुशासनको पक्षमा हुने प्रयासमा आफ्नो साथ रहने बताइकी थिइन् ।
