काठमाडौँ । प्रधानमन्त्री केपी शर्मा ओलीले चैत्र १८ गते संसद्मा सम्बोधन गर्नुहुने भएको छ ।
प्रतिपक्षी दलहरुले निरन्तर संसद् अवरोध गरेपछि प्रधानमन्त्री ओलीले जवाफ दिन तयार हुनुभएको हो ।
एमाले प्रमुख सचेतक महेश बर्तौलाले विपक्षी दलले उठाएका विषयमा चैत्र १८ गते बस्ने बैठकमा प्रधानमन्त्रीले सम्बोधन गर्ने जानकारी गराएको बताउनुभयो ।
विपक्षी दलहरूले विद्युत् प्राधिकरणबाट कुलमान घिसिङको हटाएको विषयमा प्रधानमन्त्री केपी शर्मा ओलीको जवाफ माग्दै सदन अवरोध गर्दै आइरहेका छन् ।
