वासिङ्टन । अमेरिकामा कोरोना भाइरसबाट संक्रमित हुनेको संख्या ५० लाख नाघेको छ । सोमबार बिहानसम्म अमेरिकामा संक्रमितको संख्या ५० लाख ४१ हजार नाघेको र भाइरसका कारण मृत्यु हुनेको संख्या १ लाख ६२ हजार ९ सय १३ पुगेको जोन्स हप्किन्स विश्वविद्यालयले जनाएको छ ।
त्यसैगरी, कोरोना भाइरसबाट विश्वभर १ करोड ९७ लाख ६९ हजार संक्रमित भइसकेका छन् । भाइरसका कारण ७ लाख २९ हजार ३ सयभन्दा बढीको मृत्यु भइसकेको छ । भारतमा कोभिड संक्रमितको संख्या २१ लाख ५३ हजार नाघेको छ । भारतीय स्वास्थ्य तथा परिवार कल्याण मन्त्रालयका अनुसार सोमबार बिहानसम्म देशभर ४३ हजार ३ सय ७९ जनाको मृत्यु भइसकेको छ ।
रुसमा ८ लाख ८५ हजार तथा दक्षिण अफ्रिकामा ५ लाख ५९ हजार जना संक्रमित भइसकेका छन् । रुसमा १४ हजार ९ सय ३ तथा दक्षिण अफ्रिकामा १० हजार ४ सय ८ जनाले ज्यान गुमाइसकेका छन् ।
