४ चैत्र २०८१, सोमबार
March 17, 2025 Monday

14.27°C

काठमाडौं

14.27°C

Kathmandu

Feels-like: 13.63

Wind: 1.03

Humidity: 72

तपाईं के खोज्दै हुनुहुन्छ ?

एनआरएनए अमेरिकाले ‘के म नेपाली हैन र ?’ कविता प्रतियोगिता गर्ने



अ+ अ-

काठमाडौं । गैरआवासीय नेपाली संघ, राष्ट्रिय समन्वय परिषद् अमेरिका, नेपाली भाषा साहित्य समितिले कविता प्रतियोगिता गर्ने भएको छ । त्यसका लागि समितिले कविता पठाएर प्रतियोगिता सहभागी हुन आह्वान गरेको छ ।

समितिका अध्यक्ष साहित्यकार राजेन्द्रप्रसाद अर्यालले विज्ञप्ति जारी गर्दै कविता प्रतियोगितामा सहभागी हुन चाहने कविहरूले सन् २०२५ मार्च ३१ अर्थात् २०८१ साल चैत १८ गतेसम्ममा कविता पठाउन आह्वान गर्नुभएको हो ।

विश्वभर छरिएर रहेका नेपाली भाषी कविहरूकाबिच ’के म नेपाली हैन र ?’ भन्ने शीर्षकमा कविता प्रतियोगिताको आयोजना गर्न लागिएको विज्ञप्तिमा उल्लेख छ ।

कविता प्रतियोगिताका विजेतालाई ६ सय, दोस्रो हुनेलाई ४ सय र तेस्रो हुनेलाई ३ सय डलर पुरस्कार दिइने भएको छ । त्यसैगरी तीन जनालाई एक सय डलरका दरले सान्त्वना पुरस्कारको व्यवस्था गरिएको समितिले जनाएको छ ।