बेइजिङ । शीतकालीन ओलम्पिक खेलकुद आयोजना हुन लागेको केही साताअघि चिनियाँ राजधानी बेइजिङमा स्थानीय रूपमा पहिलो ओमिक्रोन केस फेला परेको अधिकारीहरूले बताएका छन्।
सरकारी टेलिभिजनले शनिबार नयाँ कोभिड सङ्क्रमण ओमिक्रोन स्ट्रेनका रूपमा पहिचान गरिएको बताएको थियो।
“ल्याब परीक्षणले व्यक्तिमा ‘ओमिक्रोन भेरियन्टको लागि विशिष्ट उत्परिवर्तन’ फेला पार्यो”, सहरको रोग नियन्त्रण प्राधिकरणका एक अधिकारी प्याङ सिङ्हुओले एक समाचार ब्रिफिङमा भने।
यो घोषणा दक्षिणी शहर झुहाईले आफ्ना बासिन्दाहरूमा यात्रा प्रतिबन्ध लगाएको एक दिनपछि आएको छ । सो सामूहिक परीक्षण अभियानले सातवटा सङ्क्रमण पत्ता लगाएको थियो।
चीनले ओमिक्रोन संस्करणसहितको कोरोना भाइरस प्रकोपलाई नियन्त्रण गर्ने प्रयासस्वरुप हालैका सातामा देशभरका लाखौँ मानिसलाई घरमा बस्न आदेश दिएको छ । साथै त्यहाँ धेरै घरेलु उडान रद्द गरिएका छन् र कारखानाहरू बन्द भएका छन् । बेइजिङमा शीतकालीन ओलम्मिब फेब्रुअरी ४ देखि सुरु हुँदैछ ।
प्यासिफिक युनिभर्सिटीको राजनीति र सरकार विभागका प्राध्यापक र अध्यक्ष जुल्स बोयकोफले त्यस्ता प्रतिबन्धका उपायका बाबजुद खेलाडीहरुमा ओमिक्रोनको फैलावटलाई नियन्त्रण गर्न गाह्रो हुने चेतावनी दिएका छन् ।
