काठमाडौँ । क्रिकेटर सन्दीप लामिछाने अस्पतालबाट डिस्चार्ज भएका छन् ।
हर्नियाको शल्यक्रिया गराएका सन्दीप सिल्भर लाइन अस्पतालबाट डिस्चार्ज भएका हुन् ।
सन्दीपले गत ९ गते सो अस्पतालमा हर्नियाको शल्यक्रिया गराएर स्वास्थ्यलाभ गरिरहेका थिए ।
हाल उनको अवस्था सुधारोन्मुख रहेको अस्पतालले जनाएको छ । यही गतिमा रिकभर भएमा सन्दीप दुई–तीन हप्ता पछि नै मैदान फर्किन सक्नेछन् ।
सन्दीप करिब ४ वर्षदेखि हर्नियाको समस्याबाट पीडित भइरहेका थिए ।
