काठमाडौँ । इंग्लिस प्रिमियर लिग फुटबलमा टोटेनहमले पराजय ब्यहोरेको छ । गएराति भएको खेलमा टोटेनहम घरेलु मैदानमै लेस्टर सिटीसँग १–२ गोलले पराजित भएको हो ।
खेलमा सुरुवाती अग्रता भने टोटेनहमले लिएको थियो । ३३ औं मिनेटमा रिचार्लिसनले गोल गर्दै घरेलु टोलिलाई अग्रता दिलाएका थिए । तर, ४६ औं मिनेटमा जेमी भर्डी र ५० औं मिनेटमा विलाल एल खान्नोउसले गोल गर्दै लेस्टरलाई जित दिलाए ।
टोटेनहमको यो लगाता चौंथो हार हो । टोटेनहम २३ खेलबाट २४ अंकका साथ तालिकाको १५ औं स्थानमा छ भने लेस्टर १७ अंकका साथ १७ औं स्थानमा छ ।
यस्तै गएराति नै भएको अर्को खेलमा म्यान्चेस्टर युनाइटेडले फुलहमलाई १–० गोलले हरायो । युनाइटेडको जितमा एकमात्र निर्णायक गोल लिसान्ड्रो मार्टिनेजले गरे । उनले खेलको ७८ औं मिनेटमा गोल गरेका हुन् ।
यो नतिजापछि फुलहम २३ खेलबाट ३३ अंकका साथ तालिकाको १० औं स्थानमा छ भने युनाइटेड २९ अंकका साथ १२ औं स्थानमा छ ।
