• २ असार २०८१, आईतवार
  •      Sun Jun 16 2024
  •   Unicode
Logo
Latest
★   निर्वाचन आयोगको आयुक्तमा कृष्णमान प्रधान सिफारिस ★   टी-२० विश्वकप खेल्ने राष्ट्रिय खेलाडीलाई जनही १३ लाख पुरस्कार ★   पदयात्रा गरी बिदा मनाउने स्थलका रुपा परिचित हुँदै वाग्द्वार ★   सरकारले केही व्यापारिक घरानाले कर छल्न सक्नेगरी बजेट ल्यायो: डा. आरजु राणा ★   सलमान खानको अपार्टमेन्ट बाहिर फाईरिङ​ भएको घटनामा थप एक जना पक्राउ ★   प्रधानमन्त्रीसँग सिपिपिसिसीका उपाध्यक्षको शिष्टाचार भेट ★   मुलुक बाहिर बसेर आर्जन गरेको ज्ञान, सीप र पुँजी नेपाल भित्र्याउन गैर आवासीय नेपालीलाई महासंघ… ★   नर्वेद्वारा युक्रेनलाई १० करोड ३० लाख डलर सहयोग ★   मेलाबाट भएको आम्दानीबाट पर्यटन पूर्वाधार निर्माण ★   गजुरीदेखि चौतारा जोड्ने सडक कालोपत्र सुरु

शाहरुख खानदेखि इरफान खानसम्म : टिभि अभिनेताहरू जसले बलिउडमा आफूलाई अब्बल बनाए



शाहरुख खानदेखि आयुष्मान खुराना र स्वर्गीय सुशान्त सिंह राजपूतसम्म धेरै बलिउड सेलिब्रेटीले आफ्नो करियर सानो पर्दाबाट सुरु गरेका हुन् । यहाँ केही बलिउड स्टार र तिनीहरूको डेब्यू अभिनयबारे केही चर्चा गरिएको छ । 

१. शाहरुख खान : शाहरुख खानले सामान्य सुरुआत गरेका थिए र ९० को दशकका उनका पुराना टिभी कार्यक्रमहरूका भिडियोहरू इन्टरनेटमा समय–समयमा प्रसारित भइरहन्छन्। शाहरुख खानले सन् १९८९ मा फौजी र सर्कस जस्ता सिरियलबाट आफ्नो अभिनय करियर सुरु गरेका थिए । उनले दूरदर्शनका केही कार्यक्रममा एङ्करिङ पनि गरेका थिए ।

२. सुशान्त सिंह राजपुत : दिवङ्गत अभिनेता सुशान्त सिंह राजपुत त्यतिबेला आफ्नी प्रेमिका अङ्किता लोखण्डेसँग लोकप्रिय टिभी शो पवित्र रिश्ताको हेडलाइनका लागि परिचित थिए। पछि सुशान्त फिल्मको संसारमा गए र केदारनाथ, छिछोरे, र एमएस धोनी : द अनटोल्ड स्टोरी जस्ता विभिन्न हिट फिल्महरू दिए। सन् २०२० जुनमा सुशान्तको आकस्मिक मृत्युले सम्पूर्ण उद्योगलाई स्तब्ध पारेको थियो।

३. आदित्य रोय कपुर : मलंग, ये जवानी है दिवानी, आशिकी २, सडक २ लगायतका फिल्म गरेका आदित्य रोय कपुरले भिजेका रूपमा आफ्नो करियर सुरु गरेका थिए। उनले १९ वर्षको हुँदा च्यानल वी मा एउटा कार्यक्रम एङ्कर गरे।

४. विद्या बालन : परिणीताभन्दा धेरै अगाडि विद्या बालनले एकता कपूरको शो हम पाँचमा मुख्य भूमिका निभाएकी थिइन् । ९० को दशकको यो शो एकदमै हिट भयो र विद्याले जीवनमा यात्रा गरिरहेकी किशोरी राधिकाको भूमिकामा अभिनय गरेकी थिइन्। विद्या बालनको नाममा अहिलेसम्म धेरै हिट फिल्म छन् ।

५. मौनी रोय : मौनी रोयले आफ्नो करियर एकता कपुरको क्युँ कि  सास भी कभी बहू थी बाट सुरु गरेकी थिइन् । उनले अनस्क्रिनमा स्मृति इरानीको पात्र तुलसी विरानीकी छोरीको भूमिका निभाएकी थिइन् । मौनी त्यतिबेला देवो के देव महादेव र नागिन जस्ता शोमा पनि देखिइन् । अहिले उनी करण जोहरको फिल्म ‘ब्रह्मास्त्र’ को रिलिजको पर्खाइमा छिन् ।

६. इरफान खान : स्वर्गीय अभिनेता इरफान खानले टेलिभिजनबाट आफ्नो अभिनय करियर सुरु गरेका थिए । उनी भारत एक खोज, चाणक्य, सारा जहाँ हमारा, बनेगी अपनी बात, चन्द्रकान्त लगायतका कार्यक्रममा देखा परेका थिए । पछि उनले बलिउडमा मात्र नभई हलिउडमा पनि आफ्नो लागि ठाउँ बनाएका थिए।

७. आयुष्मान खुराना : आयुष्मान खुरानाले सन् २००४ मा एमटिभी रोडिज जितेका थिए र त्यसपछि विभिन्न टिभी शोहमा एङ्कर बन्न पुगे। उनले विक्की डोनरबाट बलिउडमा ठूलो ब्रेक पाएका थिए । उनको पछिल्लो रिलिज चण्डीगढ करे आशिकीलाई फ्यान र समीक्षकहरूले राम्रोसँग स्वागत गरेका थिए।

८. यामी गौतम : यामी गौतम विक्की डोनरबाट बलिउडमा डेब्यु गर्नुअघि भारतीय टेलिभिजनको चर्चित अनुहार थिइन् । यी अभिनेत्री धेरै विज्ञापन र शो ये प्यार ना होगा कम मा देखिइन् ।