काठमाडौँ । गायिका समिक्षा अधिकारीले आफूलाई संसारकै भाग्यमानी रहेको ठान्ने गरेको बताएकी छन् ।
आफूलाई ठेस लागेर लड्दा उठ्न धेरैले हात दिएको र साथ दिएको जनाउँदै युवा पुस्ताकी चर्चित गायिका अधिकारीले आफूलाई संसारकै भाग्यमानी रहेको झै लाग्ने प्रतिक्रिया दिएकी हुन् ।
‘सबैलाई एकदिन मर्नु नै पर्छ । बाँचुन्जेली रिस राग र डाहा मनमा पालेर के नै हुन्छ र ? म त झन उठ्नै लाग्दा बेस्सरी ठेश लागेर लडेकी चेली पो हुँ त । मलाई उठ्न धेरैले हात दिनुभएको छ । साथ दिनुभएको छ । यसै कारण म संसारकै भाग्यमानी छु झै लाग्छ ।’ उनले सामाजिक सञ्जालमा लेखेकी छन् ।
‘असफल हुँदा खुसी हुनेहरु धेरै भेटिन्छन् । थोरै पनि सफलता मिल्दा खुट्टा तान्नेहरु झनै कत्ति कत्ति । म चाहान्छु, सबै कलाकारहरुलाई सफलता मिलोस्, उहाँहरुको गीत चलोस्, फिल्म चलोस् । रुँदै हिड्न नपरोस् ।’ उनले अगाडि लेखेकी छन् ।
