काठमाडौं । ललितपुरमा पहिरोले दुईवटा ट्रिपर र एउटा मोटरसाइकल पुरेको छ । बागमती गाउँपालिका–३ भट्टेडाँडामा पहिरोले पुर्दा ट्रिपर र मोटरसाइलमा सवार ५ जना घाइते भएका छन् ।
महानगरीय प्रहरी परिसर ललितपुरका एसएसपी टेक प्रसाद राईका अनुसार उनीहरुमध्ये दुईजनाको अवस्था चिन्ताजनक रहेको छ । पहिरोका कारण बाटो अवरुद्ध भएको छ । घाइतेहरुलाई नेपाली सेनाको हेलिकप्टरमार्फत उद्धार गर्ने तयारी भईरहेको छ ।
