विराटनगर । बीपी कोइराला स्वास्थ्य विज्ञान प्रतिष्ठान धरानमा उपचाररत मोरङ र सप्तरी एक एक जना कोरोना संक्रमितको मृत्यु भएको छ ।
असोज ५ गते प्रतिष्ठानमा भर्ना गरिएका मोरङको कानेपोखरी गाउँपालिका–१ का ५५ वर्षीय पुरुषको बिहीबार राति ८ स् ३० बजे मृत्यु भएको हो । सर्जिकलको आइसीयूमा उपचाररत उनलाई बिहीबार संक्रमण पुष्टि भएको प्रवक्ता डा. निदेश सापकोटाले बताए । मृतकमा पहिल्यैदेखि आन्द्राको क्यान्सर रहेको डा सापकोटाको भनाइ छ ।
त्यस्तै भदौ २८ गजेन्द्रनारायण सिंह अस्पताल राजविराजबाट प्रतिष्ठान ल्याइएका सप्तरीको राजविराज–३ घर भएका ७० वर्षीय संक्रमित वृद्धको पनि उपचारका क्रममा प्रतिष्ठानमा मृत्यु भएको छ ।
ज्वरो, खोकी, श्वासप्रश्वास र निमोनियाको समस्या देखिएका वृद्धमा भदौ २५ गते संक्रमण पुष्टि भएको थियो । गम्भीर अवस्थाका वृद्धको बिहीबार राति ११ बजे उपचारका क्रममा प्रतिष्ठानकै कोभिड अस्पतालमा मृत्यु भएको जानकारी डा. सापकोटाले दिए ।
