काठमाडौं । सन् २०२२ को अक्टोबर ७ मा हमास आतङ्ककारी समूहले इजरायलको गाजा नजिकैको सहरबाट अपहरण गरी लगेका बन्दीहरुमध्ये ३४ जनालाई अपहरण मुक्त गर्न लागिएको सूचना सार्वजनिक भएको छ ।
प्यालेस्टिनी लडाकू समूह हमासले इजरायलसँग युद्धविराम भयो भने पहिलो चरणमा आफूले ती बन्दीहरु रिहा गरिने भनेर सो सूचना सार्वजनिक गरेको हो । सो समूहले दिएको ३४ बन्धकहरूको सूचीमा इजरायली नागरिकहरु मात्र रहेका बताइएको छ । तर इजरायल सरकार भने यस विषयमा केही थाहा नभएको बताउँछ ।
यसअघि आफ्नो नियन्त्रणमा एक सयजना बन्दी रहेको सार्वजनिक जानकारी गराएको हमास समूहले पहिलो सूचीमा ती ३४ जना रिहा गरिने जनाएको हो ।
दश जना १० महिलासहित ५० देखि ८५ वर्षसम्मका बन्दकलाई पहिलो चरणमा रिहा गर्न लागिएको तथा यसमा महिला, बालबालिका र बृद्धबृद्धाहरुलाई प्राथमिकता दिइएको हमासले सो सूचनामा जनाएका छन् ।
सन् २०२२ को अक्टोबरमा हमासले गरेको सो आक्रमणमा परी १० जना नेपाली सहित एकहजार भन्दा बढीको ज्यान गएको थियो । सोही हमलापछि हमासका लडाकुहरूले बिपीन जोशीलगायतलाई अपहरण गरेर प्यालेस्टिनी भूमितर्फ लगेका थिए ।
बिपीन रिहाइको पहल
नेपाल सरकारले बिपीनको रिहाइका लागि आफ्नो कूटनीतिक प्रयासलाई जारी राखेको छ । केही समय अघिको एक भिडियो फुटेजमा बिपीन जिवीतै रहेको सूचना नेपालले पनि प्राप्त गरेको थियो ।
परराष्ट्रमन्त्री डा आरजु राणा देउवाले आफू नियुक्त भएलगत्तै नेपालका लागि इजरायलीदेखि सबै देशका राजदूतहरुलाई बिपीनको रिहाइका लागि पहल गरिदिन आग्रह गर्नुभएको थियो । त्यसैगरी ती बन्दीको रिहाइका लागि मध्यस्थता एवं सहजीकरणको काम गरिरहेको कतार र इजिप्टसँग पनि उहाँले बारम्बार आग्रह गरिरहनुभएको छ ।
मन्त्री डा राणाले संयुक्त राष्ट्रसंघीय ७९औँ महासभाका क्रममा आयोजित विभिन्न कार्यक्रमहरुमा बिपीनको रिहाइका लागि पहल गरिदिन विश्व समुदायसँग पनि आग्रह गर्नुभएको थियो ।
संयुक्त राष्ट्रसङ्घको महासभामा सहभागी हुन न्युयोर्कमा रहेका बेला उहाँले जोशीको सकुशल रिहाइका लागि सहगोग गरिदिन विश्वका नेता तथा प्रतिनिधिहरुसँग आग्रह गर्नुभएको थियो ।
साथै त्यहाँ आयोजित असंलग्न राष्ट्रहरुको सङ्गठन नाम, जि ७७, जि२० लगायतका मन्त्रिस्तरीय बैठकलाई सम्बोधन गर्दै मन्त्री डा राणाले जोशीको रिहाइका लागि पहल गरिदिन विश्व समुदायको ध्यानाकर्षण गराउनुभएको थियो ।
उहाँले नेपालस्थित इजरायल र कतारका राजदूतहरुलाई समय समयमा बोलाएर बिपीनको अवस्था, रिहाइका लागि भइरहेका पहल र अन्य आवश्यक जानाकरी लिने गर्नुभएको छ ।
त्यसैगरी परराष्ट्र मन्त्रालयले मध्यपूर्वी देशमा रहेका नेपाली राजदूतहरुलाई पनि कतार र इजिप्ट सरकारको सम्पर्क तथा समन्वयमा रहन र बिपीनको रिहाइका लागि विशेष चासो लिएर आवश्यक पहलकदमीका साथ लाग्न निर्देशन दिएको जनाएको छ ।
