काठमाडौं । अंग्रेजी नयाँ वर्ष २०२५ को स्वागतमा काठमाडौंका पर्यटकीय क्षेत्रलाई झिलिमिली पारिएको छ । पर्यटकीय क्षेत्रहरुमा मानिसहरुको भीडभाड छ ।
काठमाडौंको दरबारमार्ग, ठमेललगायतका क्षेत्रमा नागरिकको बाक्लो उपस्थिति छ । ठमेलमा तस्ट्रीट फेस्टिवल पनि आयोजना गरिएको छ ।
सडक छेउमा टेन्ट राखेर अंग्रेजी नयाँ वर्ष २०२५ को स्वागत गर्नका लागि भेला भएका मानिसलाई तातो परिकारका साथै पेय पदार्थ पनि बिक्रीमा राखिएको छ । नयाँ वर्ष सुरु हुन केही घण्टा मात्रै बाँकी रहँदा ठमेलमा भीड पनि बढ्दै गएको छ ।
होटल तथा रेस्टुरेन्टहरु खचाखच भरिएका छन् । मानिसहरु सडकमै नाचगान गरेर रमाइलो गरिरहेका छन् ।
