काठमाडौँ । भारतविरुद्ध जारी बोर्डर–गावस्कर ट्रफीको चौथो टेस्टको पहिलो इनिङ्समा अस्ट्रेलियाली टोली ४७४ रनमा अलआउट भएको छ ।
मेलबर्नमा जारी खेलको शुक्रबार दोस्रो दिन हो । स्टम्पसम्म भारतले पहिलो इनिङ्समा ५ विकेट गुमाएर १६४ रन बनाएको छ । ऋषभ पन्त र रविन्द्र जडेजा अविजित छन् ।
आकाश दीप शून्यमा आउट भए । उनी स्कट बोल्याण्डको बलमा नाथन लियोनको हातबाट क्याच आउट भए । बोल्याण्डले विराट कोहली (३६ रन)लाई पनि आउट गरे । यशस्वी जैसवाल ८२ रन बनाएर रनआउट भए । रोहित शर्मा (३ रन) र केएल राहुल (२४ रन)लाई प्याट कमिन्सले प्याभिलियन पठाए ।
अस्ट्रेलियाले बिहान ३११–६ रन बनाएर सुरु गरेको अन्तिम ४ विकेट गुमाएर १६३ रन बनाएको थियो । स्टिभ स्मिथले १९७ बलमा १४० रनको शतकीय इनिङ खेले ।
युवा ओपनर साम कोन्स्टान्स (६० रन), उस्मान ख्वाजा (५७ रन) र मार्नस लाबुसचेन (७२ रन)ले अर्धशतक बनाए । कप्तान प्याट कमिन्सले ४९ रनको योगदान दिए । भारतका लागि जसप्रित बुमराहले ४ विकेट लिए । रविन्द्र जडेजाले ३ विकेट लिए । आकाश दीपले २ तथा मोहम्मद सिराजले एक विकेट लिए ।
